Deuteronomy 29
Thukhun Thaksuaksakna
1Hihte in TOPA in amaute tawh Horeb ah a bawlsa thukhun banah Moab ah Israel-te tawh a bawl nadinga Moses a thupiak thukhun kammalte ahi hi. a 2 Moses in Israel-te khempeuh samin amaute tungah: TOPA in Egypt ah Pharaoh tung, a uliante khempeuh tung le a gam khempeuh tungah a hihsate khempeuh na mit-un na mu khin uh hi. 3Na mit mahmah un tua bawlsiatna lianpite, a tuampian limte le a lamdang alian mahmahte na mu khin uh hi. 4Ahi hangin tuni mahmah dong TOPA in theihtelna lungsim ahi a, muhna mit ahi a, zakna bil ahi zongin hong pia nai kei hi. 5Sehnel gam sunga kong makaih kum sawmli sungin na puansilh uh patkhia lo-a, na khedap kaihte uh zong a sia kei hi. 6Note in anlum ne loin zu le a kibilh dang khatpeuh ahi zongin na dawn kei uh hi. TOPA note Pasian ka hilam na theih nadingun hih bangin ka hih hi. b 7 Hih mun na tun uh ciangin Heshbon kumpipa Sihon le Bashan kumpipa Og, eite do dingin hong kuankhia-a, ahi hangin amaute i zo hi. 8Amau gam i laksaka, Reuben-te, Gad-te le Manasseh beh - alangte luah dingin i pia hi. c 9 Note na hihna peuhpeuh uah na daupai nadingun hih thukhun kammalte limtakin zui un. 10Tuni-in na makaite uh leh na mapite uh, na upate uh le na uliante uh, Israel midangte khempeuh, 11na zite uh le na tate uh tawh, na sing uh hong ehsak na tui uh hong tawisak na giahphual ua teng pemtate tawh - na vekpi un note Pasian TOPA mai ah na ding uh hi. 12TOPA note Pasian tawh thukhun a bawlkhawm dingin tuni-in hih munah na ding uh hi, tuni mahmah in TOPA in no tawh thukhunna bawlin kiciamna tawh kipsak ding hi; 13amah in na pate uh Abraham, Isaac, Jacob le note tunga hong ciamsa bangin amah note Pasian ahi theih nadingin tuni-in note ama mi dingin hong kipsak ding hi. 14Keimah kiciamin, kaw bawl hih thukhun hih TOPA note bek tawh abawl hi lo-in, 15tuni-in Topa mai hih muna ding note le tuni-a om lote tawh zong a bawl ka hi hi. 16 Note mahmah in Egypt a i nuntakzia hih mun i tun nadinga, gamte i kantanzia na thei uh hi. 17Note in amaute lakah sing le suang ahi a, ngun le kham tawh ahi zongin a kibawl milimte le lim kihhuaite na mu khin uh hi. 18Tuni-in note lakah numei ahi-a pasal ahi zongin, bawng’ ahi-a beh ahi zongin kuamahpeuh TOPA eite Pasian panin kiheikhia-a, tua minamte pasiante a biak loh nadingun na lungsim uh kiciansak un; note lakah tua banga gukha zung na khak loh nadingun kiciantakin om un. d 19 Tua bang mite in hih kiciamna kammal a zak ciangin amah le amah kici in, “Keima thu-in ka tatsuak hangin ka suakta veve ding hi,” ci-in kingaihsun kha ding hi. Hih in tui a ngah leitang tung le a keu ▼▼29.19 Ahikeh dangtak nadingin zukham beh
leitang tungah siatna a tungsak ding hi. 20Ama mawhna TOPA in maisak nuam lo dinga; ama thangpaihna le a hazatna in tua mipa langah a kang ding hi. Hih laibu sunga hamsiatna khempeuh ama tungah tu dinga, TOPA in a min van kikhupsin nuai panin a phiatkhia ding hi. 21Hih Thukham Laibu sunga hamsiatna thukhun khempeuh tawh kizui-in haksatna a tuak dingin Israel beh khempeuh panin TOPA in amah a tang koihkhia ding hi. f 22 Mailam a khang ding na tate uh le gamlapi pana hong pai gamdang mite in tua gama tung siatna le TOPA in a tuahsak natnate a mu ding uh hi. 23Gambuppi pen ci le kaat kangvam hi dinga - bangmah kisuan loin bangmah sel lo-a, a tungah anteh sawlbawk a po kei ding hi. Tua in TOPA in heh lua-a a lotthal Sodom le Gomorah, Admah le Zeboim-te siatna tawh kibang ding hi. 24Minam khempeuh in, “Bang hangin TOPA in hih gam hici bawl ahi hiam? Bang hangin hici lawmlawma heh ahi hiam?” ci-in a dong ding uh hi. g 25 A dawnna pen, “Hih mite in TOPA, a pate uh Pasian thukhun, amaute Egypt pan a paikhiatpih lai-a, amaute tawh a bawl thukhun a nusiat hang uh ahi hi. 26Amaute paikhia uh a, a theih loh uh pasiante, amaute a piak loh pasiante bia in tuate mai-ah kun uh hi. 27Tua ahi ciangin hih gam tungah TOPA hehna kuanga, amah in hih laibu sunga hamsiatna khempeuh a tungah a tunsak ahi hi. 28A hehluatna le a thangpaihna lianpi tawh TOPA in amau gam panin amaute bulkalh a, tu-a a om bangun amaute gamdangah a nawhgawp ahi hi,” kici ding hi. h 29 Thusimte pen TOPA note Pasian aa hi a, ahi hangin hong kilak hih thute eite le i tate aa hi-in, hih thukham thute khempeuh i zuih theih nading ahi hi. i
Copyright information for
ZomZIV